Nýr glæsilegur hópferðabíll til Vestfirskra ævintýraferða!

Nú á dögunum komu þeir bræður, Andri og Magnús, til okkar hjá Landfara til að taka við nýjum hópferðabíl fyrir fyrirtæki sitt, Vestfirskar ævintýraferðir.

Um er að ræða 51 farþega hópferðabíl sem byggður er af samstarfsaðila okkar MOBI People í Portúgal á Mercedes-Benz Arocs 1846 undirvagni með vökvaframdrifi. Bíllinn er sérstaklega hannaður með íslenskar aðstæður í huga og hentar jafnt í hálendisferðir sem og krefjandi vetraraðstæður.

Þetta er jafnframt þriðji bíllinn sem Vestfirskar ævintýraferðir taka við frá Landfara á þessu ári, sem við erum afar stolt af.

Við óskum þeim innilega til hamingju með þennan glæsilega grip og þökkum traustið. Við óskum Andra, Magnúsi og öllu teymi Vestfirskra ævintýraferða góðs gengis með nýja bílinn.

Á síðustu þremur árum hefur Landfari afhent átta MOBI People hópferðabíla byggða á Mercedes-Benz Arocs grindum. Bílarnir hafa reynst einstaklega vel við íslenskar aðstæður og notið mikillar ánægju eigenda sinna.